అత్యవసర వైద్యరంగంలో విశేష సేవలకు డాక్టర్ ఎస్. ప్రకాష్ బాబుకు జాతీయ స్థాయి ‘మెడికస్ ఆనర్ ఎక్సలెన్స్ రోల్’ పురస్కారం
ఒకే జాతీయ సదస్సులో స్విమ్స్ పీజీ విద్యార్థి డాక్టర్ సాయి కిశోర్ కు రెండు పురస్కారాలు
కమ్యూనిటీ మెడిసిన్ విభాగం అసిస్టెంట్ ప్రొఫెసర్ డాక్టర్ శివ సంతోష్ కుమార్ అంతర్జాతీయ జర్నల్ లో ప్రచురణ
తిరుపతి:
అత్యవసర వైద్య సేవలతో పాటు వైద్య విద్య, పరిశోధన, నైపుణ్యాభివృద్ధికి సమాన ప్రాధాన్యం కల్పిస్తూ SVIMS అత్యవసర వైద్య విభాగాన్ని మరింత పటిష్టం చేస్తున్నామని స్విమ్స్ సంచాలకులు మరియు ఉపకులపతి డా. గుడారు జగదీష్ తెలిపారు.
అత్యవసర వైద్య సేవలు, విద్యా నాయకత్వం, అకడమిక్ మరియు పరిశోధనా రంగాల్లో విశేష కృషికి గుర్తింపుగా స్విమ్స్ అత్యవసర వైద్య విభాగం అసోసియేట్ ప్రొఫెసర్ డాక్టర్ ఎస్. ప్రకాష్ బాబుకు ప్రతిష్ఠాత్మక ‘మెడికస్ ఆనర్ ఎక్సలెన్స్ రోల్’ పురస్కారం లభించడం పట్ల డా. గుడారు జగదీష్ హర్షం వ్యక్తం చేసి అభినందనలు తెలిపారు.
గ‌త వారం ఉత్త‌ర ప్ర‌దేశ్ రాష్ట్రంలోని లక్నోలో జ‌రిగిన సొసైటీ ఆఫ్ అక్యూట్ కేర్, ట్రామా అండ్ ఎమర్జెన్సీస్ (SACTEM) ఆధ్వర్యంలో నిర్వహించిన COMET 2.0 రెండో జాతీయ సదస్సులో ఈ పురస్కారాన్ని ప్రదానం చేశారు. ఉత్తరప్రదేశ్ ప్రభుత్వ ప్రధాన కార్యదర్శి, ఆరోగ్యశాఖ కార్యదర్శి సమక్షంలో డాక్టర్ ప్రకాష్ బాబును సత్కరించారు.
స్విమ్స్ లో అత్యవసర వైద్య సేవలను మరింత సమర్థవంతంగా అందించడంతో పాటు అత్యాధునిక వైద్య విధానాలు, శిక్షణ, పరిశోధనలకు ప్రాధాన్యం ఇస్తున్నామని డా. గుడారు జగదీష్ తెలిపారు. అత్యవసర పరిస్థితుల్లో రోగులకు వేగవంతమైన, నాణ్యమైన వైద్య సేవలు అందేలా మానవ వనరులు, శిక్షణ, అకడమిక్ కార్యకలాపాలు, పరిశోధనా కార్యక్రమాలను సమన్వయం చేస్తున్నామని పేర్కొన్నారు.
అత్యవసర వైద్యరంగంలో సేవలతో పాటు వైద్య విద్య, పరిశోధన, వైద్య నైతికత వంటి విభిన్న అంశాల్లో డాక్టర్ ప్రకాష్ బాబు చేస్తున్న కృషి SVIMSకు గర్వకారణమని డా. గుడారు జగదీష్ అన్నారు.
ఒకే జాతీయ సదస్సులో పీజీ విద్యార్థికి రెండు పురస్కారాలు
SVIMS అత్యవసర వైద్య విభాగం పీజీ విద్యార్థి డాక్టర్ సాయి కిశోర్ కూడా COMET 2.0 సదస్సులో విశేష ప్రతిభ కనబరిచారు. బెస్ట్ పేపర్ పోటీలో మూడో బహుమతి, జాతీయ స్థాయి క్విజ్ పోటీలోనూ మూడో బహుమతి సాధించారు.
ఒకే జాతీయ సదస్సులో పరిశోధనా పత్రం, క్విజ్—రెండు విభాగాల్లోనూ బహుమతులు సాధించడం అభినందనీయమని డా. గుడారు జగదీష్ పేర్కొన్నారు. SVIMSలో పీజీ విద్యార్థుల్లో పరిశోధనా దృక్పథాన్ని పెంపొందిస్తూ, జాతీయ స్థాయి వేదికలపై తమ ప్రతిభను ప్రదర్శించేలా విద్యార్థులను ప్రోత్సహిస్తున్నామని తెలిపారు.
అత్యవసర విభాగాల్లో వైద్య-న్యాయపరమైన అంశాలపై చర్చ
COMET 2.0 సదస్సులో అత్యవసర విభాగాల్లో వైద్య-న్యాయపరమైన (Medico-legal) అంశాలపై నిర్వహించిన ప్యానెల్ చర్చలో డాక్టర్ ప్రకాష్ బాబు సభ్యుడిగా పాల్గొన్నారు. అత్యవసర వైద్య విభాగాల్లో వైద్యుల చట్టపరమైన బాధ్యతలు, వైద్య రికార్డుల నిర్వహణ, డాక్యుమెంటేషన్, రోగి భద్రత, వైద్య-న్యాయపరమైన సవాళ్లపై తన అభిప్రాయాలను పంచుకున్నారు.
అలాగే “అత్యవసర విభాగంలో నైతికత, నైతిక గాయం (Moral Injury) – వైద్యుల్లో బర్నౌట్ నివారణ” అనే అంశంపై ప్రత్యేక ఉపన్యాసం ఇచ్చారు. అత్యవసర వైద్యులు ఎదుర్కొనే నైతిక ఒత్తిడి, మానసిక సంఘర్షణ, వృత్తిపరమైన ఒత్తిడి వంటి అంశాలతో పాటు మోరల్ ఇంజరీ, బర్నౌట్ను నివారించేందుకు వైద్య సంస్థలు చేపట్టాల్సిన చర్యలను వివరించారు.
పరిశోధనా పత్రాలు, పోస్టర్ల మూల్యాంకనంలో భాగస్వామ్యం
దేశవ్యాప్తంగా వివిధ వైద్య సంస్థల నుంచి సమర్పించిన పరిశోధనా పత్రాలు, పోస్టర్లను మూల్యాంకనం చేసే న్యాయనిర్ణేతగా కూడా డాక్టర్ ప్రకాష్ బాబు వ్యవహరించారు. అత్యవసర వైద్యరంగంలో జరుగుతున్న తాజా పరిశోధనలు, నూతన ఆలోచనలు, క్లినికల్ ప్రాక్టీస్లో వాటి అన్వయంపై జరిగిన శాస్త్రీయ చర్చల్లో పాల్గొన్నారు.
SVIMS అత్యవసర వైద్య విభాగానికి జాతీయ స్థాయిలో గుర్తింపు
SACTEM ఆధ్వర్యంలో నిర్వహించిన COMET 2.0 మూడు రోజుల జాతీయ సదస్సులో అత్యవసర వైద్యం, ట్రామా, అక్యూట్ కేర్ రంగాలకు సంబంధించిన సమకాలీన అంశాలపై విస్తృతమైన శాస్త్రీయ చర్చలు జరిగాయి.
క్లినికల్ అంశాలతో పాటు వైద్య-న్యాయపరమైన సమస్యలు, వైద్య నైతికత, మోరల్ ఇంజరీ, బర్నౌట్ నివారణ, పరిశోధన, అత్యవసర వైద్య సేవల్లో నూతన విధానాలపై సదస్సులో చర్చించారు.
SVIMS అత్యవసర వైద్య విభాగాన్ని వైద్య సేవలతో పాటు వైద్య విద్య, పరిశోధన, శిక్షణలో జాతీయ స్థాయి ప్రమాణాలకు అనుగుణంగా మరింత అభివృద్ధి చేయడానికి చర్యలు కొనసాగిస్తున్నామని డా. గుడారు జగదీష్ తెలిపారు.
డాక్టర్ ఎస్. ప్రకాష్ బాబుకు జాతీయ స్థాయి పురస్కారం లభించడం, అదే సదస్సులో డాక్టర్ సాయి కిశోర్ రెండు బహుమతులు సాధించడం SVIMS అత్యవసర వైద్య విభాగం బలోపేతానికి, అక్కడి వైద్యులు మరియు పీజీ విద్యార్థుల ప్రతిభకు నిదర్శనమని డా. గుడారు జగదీష్ పేర్కొన్నారు.
అదే విధంగా SVIMS కమ్యూనిటీ మెడిసిన్ విభాగంఅసిస్టెంట్ ప్రొఫెసర్ డాక్టర్ శివ సంతోష్ కుమార్, ఇంపాక్ట్ ఫ్యాక్టర్ 4 కలిగిన అంతర్జాతీయ జర్నల్ అయిన బయోమెడ్ సెంట్రల్ (BMC) ఓరల్ హెల్త్‌లో ఒక పరిశోధనా అధ్యయనాన్ని ప్రచురించారు.
వైద్య సేవల నాణ్యతను మరింత పెంచడం, అత్యవసర పరిస్థితుల్లో వేగవంతమైన వైద్య సేవలు అందించడం, వైద్య సిబ్బందికి నిరంతర శిక్షణ, పీజీ విద్యార్థుల్లో పరిశోధనా నైపుణ్యాలను పెంపొందించడం వంటి అంశాలకు SVIMSలో ప్రత్యేక ప్రాధాన్యం ఇస్తున్నామని ఆయన తెలిపారు. ఈ సంద‌ర్భంగా డాక్టర్ ఎస్. ప్రకాష్ బాబు, కమ్యూనిటీ మెడిసిన్ అసిస్టెంట్ ప్రొఫెసర్డాక్టర్ శివ సంతోష్ కుమార్, డాక్టర్ సాయి కిశోర్లను డా. గుడారు జగదీష్ అభినందించారు.